Дурлал юунаас эхэлдэг вэ?

Дурлал юунаас эхэлдэг вэ?

Дундаа хуваасан алимнаас уу

Дурсгаж өгсөн цэцэгнээс үү

Догдлож бичсэн шүлэгнээс үү

Хайр хэзээ эхэлдэг вэ?

Анх харсан цагаас уу

Анх учирсан мөчөөс үү

Анх үнссэн үеэс үү

Дурлал юунаас эхэлдэг вэ?

Дур булаасан аашнаас уу

Дуугүй ширтэх харцнаас уу

Дулаахан халуухан сэтгэлээс үү

Хайр юунаас эхэлдэг вэ?

Халуун янаг уруулаас уу

Хараад баймаар царайнаас уу

Хамтдаа гэсэн итгэлээс үү

Дурлал хаанаас эхэлдэг бэ?

Анхалж харсан газраас уу

Сэмхэн уулзсан болзооноос уу

Сэтгэлээ илчилсэн учралаас уу